Elon Musk aghairi kuinunua Twitter kwa dola bilioni 44

Mwandishi Emmanuel Tadayo

Katika faili mpya ya SEC Ijumaa Julai 8, Twitter ilichapisha barua iliyopokea kutoka kwa timu ya kisheria ya Elon Musk inayoonyesha kutoridhika na taarifa za kampuni hiyo kuhusu kiwango cha “spam na akaunti bandia” kwenye huduma yake.

Elon Musk aghairi kuinunua Twitter kwa dola bilioni 44

“Bwana Musk anasitisha Mpango wa manunuzi kwa sababu Twitter inakiuka masharti mengi ya Mkataba huo, inaonekana kuwa imefanya uwakilishi wa uongo na wa kupotosha ambao Bwana. Musk alitegemea wakati wa kuingia katika Mkataba wa Muungano, na kuna uwezekano wa kupata athari mbaya ya Kampuni,” wanasheria wa Musk waliandika katika barua kwa Afisa Mkuu wa Sheria wa Twitter Vijaya Gadde.

Musk anasema madai yake ya mara kwa mara kwamba Twitter inaweza kupotosha wawekezaji na watumiaji kuhusu idadi ya akaunti za kiotomatiki kwenye jukwaa lake, ambayo kampuni hiyo kwa muda mrefu imekadiria kuwa chini ya asilimia 5 bila kuelezea ushahidi wao.

Msemaji wa Twitter alirejelea taarifa kutoka kwa bodi ya wakurugenzi ya kampuni hiyo akisema kampuni hiyo itachukua hatua za kisheria kulazimisha mkataba huo kufungwa. Mapema siku ya Ijumaa, gazeti la Financial Times liliripoti kuwa Twitter “iko tayari kwenda vitani” kufunga mkataba huo, na kwamba Mkurugenzi Mtendaji Parag Agrawal amekuwa “mkali zaidi ndani.”

Mwezi wa nne mwaka huu, Elon Musk alianza mchakato wa kununua kampuni inayomiliki mtandao wa kijamii wa Twitter kwa dola za marekani bilioni 44, ambapo kwa kuanzia Elon Musk alinunua asilimia 9.2 ya hisa za Twitter ambazo ni sawa na dola za kimarekani billioni 2.89 kwa mujibu wa viwango vya soko siku hiyo, na kumfanya kuwa ndiyo mmiliki mkubwa wa hisa za kampuni hiyo.

Kisha Baada ya majuma kadhaa ya vuta nikuvute hatimaye, Twitter ikakubali kununuliwa na Elon Musk kwa dola bilioni 44. Bodi ya wakurugenzi ya kampuni inayomiliki mtandao wa kijamii wa Twitter na Elon Musk wakafikia makubaliano kwamba kampuni hiyo itauzwa kwa karibu dola za marekani bilioni 44, Twitter ikaandika taarifa kwa vyombo vya habari rasmi. Wanahisa watalipwa dola 54.20 kwa kila hisa.

Avatar of emmanuel tadayo
Mwandishi Emmanuel Tadayo Mchangiaji
Mitandao ya Kijamii
mwandishi wa habari za teknolojia kwenye tovuti pendwa ya mtaawasaba
Maoni yako
Receive Mtaawasaba notifications Click ‘Receive,’ then ‘Allow’ when prompted. Dismiss Receive