Njia pekee iliyotumika miaka kadhaa iliyopita kujua hali ya msongamano wa magari barabarani ilikuwa ni kupitia taarifa za hali ya barabara kwenye stesheni za redio mbalimbali, au kuwauliza watu wengine wanaotoka uelekeo unaoelekea. Ukuaji wa teknolojia umerahisisha mambo mengi ikiwemo njia mabalimbali za kukwepa foleni. Chapisho hili linakuangazia Jinsi ya kukwepa Msongamano wa Magari barabarani kwa kutumia Google Maps
Kupitia Google Maps unaweza kukwepa barabara zenye misongamano kwa kupata taarifa za barabara mbalimbali kwenye nchi zaidi ya 90. Google Maps ina kipengele cha trafiki/foleni ambacho kinasadia watumiaji kupanga safari zao kwa kuchagua barabara au njia zisizo na msongamano wa magari.
Google Maps hutumia teknolojia mchanganyiko ikiwemo GPS na teknolojia zingine ili kujua mahali ulipo na unakokwenda na kuweza kupendekeza njia ipi upite ili kukuepusha na misongamano isiyo na lazima.
Jinsi ya Kuepuka Msongamano wa Magari Barabarani Kutumia Programu ya Google Maps
Fungua Programu ya Google Maps kwenye simu yako. Ikiwa huna Programu hii, unaweza pakua kutoka Duka la Google Play kwa watumiaji wa simu za Android. Kwa watumiaji wa iPhone. Programu ya Google Maps inapatikana kwenye mifumo endeshi wa IOS pia.
Ingia kwenye akaunti yako ya Google. Ikiwa bado huna akaunti ya Google, gusa tu “Fungua akaunti” na ufuate maelekezo. Baada ya kuingia, ramani ya eneo lako la sasa kulingana na data ya mtandao ya kifaa chako cha mkononi itaonyeshwa kwenye skrini ya programu.
Weka unakoenda kwenye dashboard upande wa juu ya skrini ya programu, kisha bofya “Enter” ili usogeze eneo hilo.
Bofya kwenye “kitufe cha unakoelekea” kwenye kona ya juu kulia ya ramani yenye umbo la rundo la miraba ili kufungua kidirisha cha menyu cha Programu ya Ramani za Google.
Chagua “Trafiki” kwenye sehemu ya menyu iliyoonyeshwa. Rangi ya kijani, njano, machungwa na mistari nyekundu itaonekana kwenye ramani; Kijani kinawakilisha trafiki nyepesi, njano ni wastani, chungwa ni nzito, na nyekundu ni viwango vikali vya trafiki.
Kwa kutumia data ya wakati halisi, Google itatoa maelezo kuhusu muda ambao unaweza kuchelewa na pia kuripoti njia mbadala kwa kutumia laini za rangi ya kijivu.
Ikiwa hakuna kitu kinachoonekana basi labda data ya trafiki haipatikani, au muunganisho wako wa mtandao wa intaneti unaweza kuwa sio wa uhakika.
Nadhani umepata Jinsi ya kukwepa Msongamano wa Magari barabarani kwa kutumia Google Maps. Usiache kutembelea tovuti yetu ili ujifunze mengine mengi zaidi. Pia usisahau kutembelea channel yetu ya YouTube na mitandao ya kijamii @Mtaawasaba
